Кичә узды

Яшьләр өлкәннәрне бәйрәм белән котлады, саф һавада коймак пешереп сыйладылар. Кичәдә өлкәннәрнең яшьлек җырлары, шигырьләр яңгырады. Яшьләр өлкәннәргә китаплар да бүләк итте. Әлеге чарада район Башкарма комитеты җитәкчесенең социаль-мәдәни мәсьәләләр буенча урынбасары Марина Бәдретдинова, РФ Пенсия фондының Мөслим бүлеге җитәкчесе Фәридә Ганиева һәм пенсионерлар союзының Мөслим бүлеге рәисе Рөстәм Шәрипов катнашты. Икенче көнне “Мизгел” яшьләр үзәге белгечләре һәм “Игелек уят!” иреклеләр отряды волонтерлары картлар һәм инвалидлар йортында өмә үткәрде. Волонтерлар территорияне җыештырды, коелган яфракларны җыеп түкте.