"Игелек уят" волонтерлар отряды "Мин татарча сөйләшәм” фестивалендә катнашты
Быелгы фестиваль тел темасына багышланган иде. 4 сәгать дәвамында тел лабораториясе һәм коворкингтагы балалар зонасы эшләде, экспозиция зонасында qot һәм маркет күргәзмәсе, кече залда татар киносы һәм караоке күргәзмәсе, театр паркында урам экскурсияләре узды.
"Мизгел" яшьләр үзәге хәбәр иткәнчә, 23 апрель көнне Г.Тукай исемендәге Мөслим урта мәктәбе һәм лицей укучыларыннан торган "Игелек уят" волонтерлар отряды А.Гыйләҗев исемендәге Чаллы татар дәүләт драма театрында "Мин татарча сөйләшәм” фестивалендә катнашты.
Быелгы фестиваль тел темасына багышланган иде. 4 сәгать дәвамында тел лабораториясе һәм коворкингтагы балалар зонасы эшләде, экспозиция зонасында qot һәм маркет күргәзмәсе, кече залда татар киносы һәм караоке күргәзмәсе, театр паркында урам экскурсияләре узды. Болар барысы да бердәм тема белән берләштерелеп, оештыручылар бирегә килүчеләр белән бергә татар телен төрле практикалар аша өйрәнеп карадылар.
Фотолар - "Мизгел" яшьләр үзәге архивыннан.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев