Ясалма фәһем кулланып эшли торган иң югары хезмәт хакы алучы һөнәр ияләре билгеле

«Санап үтелгән һөнәрләр арасында, ясалма фәһем мөһим күнекмә буларак телгә алына. Компаниянең иң югары хезмәт хакы дата-сайентистларга – аена уртача 200 мең сум, шулай ук программистларга аена уртача 126,2 мең сум тәкъдим ителә», – диелә тикшеренүдә.

Сату һәм клиентлар белән эшләү буенча менеджерларга эш бирүчеләр аена уртача 110,3 мең сум тәкъдим итә. Маркетинг буенча менеджерлар һәм интернет-маркетологлар 91 мең сумга исәп тота ала.

Ясалма фәһем белән эшли белергә тиешле копирайтерларга, редакторларга һәм корректорларга уртача 83,4 мең сум вәгъдә итәләр. Видеооператорларның һәм монтажчыларның да хезмәт хаклары шундый ук, ә дизайнерларга һәм рәссамнарга эш бирүчеләр якынча 83,3 мең сум түләргә әзер.

Тикшеренү нигезендә, тиешле күнекмәләре булган укытучыларга аена уртача 74,2 мең сум тәкъдим итәләр. Моннан тыш, SMM һәм контент-менеджерларга – 73,2 мең сум, ә сәркатипләргә, җитәкче ярдәмчеләренә һәм ассистентларга 66,2 мең сум түләргә әзер.

Фото, чыганак: Татар-информ