“Чыршы” операциясе старт алды

Ел да республика күләмендә оештырылучы “Чыршы” операциясе 31 декабрьгә кадәр дәвам итәчәк. Ылыслы агачларны законсыз кисүне булдырмый калу максатында урман кишәрлекләрендәге рейдларга район эчке эшләр бүлеге хезмәткәрләре дә җәлеп ителә. Рейдлар вакытында тоткарланган, законсыз төстә агач кискән кеше урманга килгән зыянны капларга да тиеш була. Узган ел 1984 елгы бер райондашыбыз Минзәлә урманчылыгыннан чыршы урлаган иде. Аның эше судка җибәрелеп, закон алдында җавап бирде.  “Чыршы яратучы”га 300 сәгать мәҗбүри эш билгеләнде.