Чаллыда ун кеше 1 миллиард сумнан артык керем алган

Чаллыда 2025 елда ун кеше 1 миллиард сумнан артык керем алган. Федераль салым хезмәтенең шәһәр инспекциясе башлыгы Диана Сәгытдинова аппарат киңәшмәсендә шул хакта хәбәр итте.

Ун кешенең бишесе - оешма җитәкчесе, дүртесе шәхси эшмәкәр буларак теркәлгән. Тагын бер кеше кыйммәтле кәгазьләр сатудан 1 миллиард сумнан артык керем алган.

Декларация кампаниясе нәтиҗәләре буенча Чаллыда 78 меңнән артык 3-НДФЛ (физик затлар кеременә салым) декларациясе тапшырылган. Аларның 70 меңе, ягъни 90 проценты салым чигерүе алу белән бәйле. Шәһәр халкына 2 миллиард сум салым кайтарганнар инде.

Тулырак: https://tatar-inform.tatar/news/v-celnax-vyyavili-desyat-zitelei-s-doxodom-bolee-1-mlrd-rublei-za-god-5928248

Фото: Татар-информ

Безнең телеграм каналга кушылыгыз! Телеграм-канал

Без "Дзен"да! Дзен