Чаллы – Сарман юлында хәрәкәт итү туктатылган

Килеп туган вазгыять белән бәйле рәвештә автомобильчеләргә Татарстанның Сарман районы башлыгы Фәрит Хөснуллин мөрәҗәгать итте.

«Юл хәрәкәтендә катнашучыларның барысыннан да килеп туган вазгыятьне исәпкә алуларын һәм Петровск заводы һәм Ләке авыл җирлекләре аша оештырылган урау маршруттан файдалануларын сорыйм. Хәзерге вакытта һәлакәт урынында барлык җаваплы хезмәтләр катнашында оператив киңәшмә уздырыла. Белгечләр вазгыятьне бәяли һәм һәм хәрәкәтне торгызу өчен кирәкле чаралар күрәләр. Тынычлык саклавыгызны, юл хезмәтләре таләпләрен үтәвегезне һәм рәсми мәгълүматны күзәтеп торуыгызны сорыйм», – дип язды Хөснуллин ВК дагы үз битендә.

17 июльгә каршы төндә Татарстанда 108 мм яңгыр яуган.

Фото: "Макс"мессенджерындагы гадәттән тыш хәлләр министрлыгының ТР буенча Баш идарәсе каналыннан скриншот