Бу көнне Мөслимдә

1973 ел

3 март

Боз өстендә көч сынашу

Калинин исемендәге культура һәм ял паркын­да яшь спортчылар өчен хоккей мәйданчыгы бул­дырылды. Күптән түгел Мөслим урта мәктәбенең 9-10 класс комсомол­лары һәм Михайлов­ка урта мәктәбенең 9-10 класс комсомоллары белән иптәшләрчә оч­рашу үткәрелде. Уен мөслимлеләр файдасына тәмамланды. Р.Назаров, Мөслим урта мәктәбенең физик тәрбия укытучысы.

6 март

Партия документла­рын алмаштыру бара

2 мартта КПСС Үзәк Комитетының 00000002 номерлы партия билеты КПСС Үзәк Комитеты Гене­ральный секретаре Леонид Ильич Брежневка тапшы­рылды. Билетны КПСС Үзәк Комитеты аппараты парт­комы секретаре И.И.Козлов тапшырды. Шулай ук КПСС Үзәк Политбюросы членна­рына, Политбюро членлы­гына кандидатларга, КПСС Үзәк Комитеты секретарь­ларына партия билетлары тапшырылды.

Колхозчылар вәкилләре җыелышы

3 мартта Мөслим куль­тура йортында колхозчы­лар вәкилләренең рай­он җыелышы булды. Анда “1970-1972 елда район кол­хозчылар советы эшчәнлеге һәм бишьеллыкның өченче елына бурычлар турында” доклад белән район колхоз­чылар советы председате­ле, авыл хуҗалыгы идарәсе начальнигы Ә.Ә.Әхмәтшин чыкты.

Хезмәт батырлары үрнәгендә тәрбиялик

Районда сигез кеше хөкүмәтебезнең иң юга­ры бүләге – Ленин орде­нын йөртә. 700дән артык кешенең күкрәген төрле орденнар һәм медальләр бизи. 400дән артык комму­нистик хезмәт ударнигы, күпсанлы атказанган укы­тучылар, эшче һәм колхоз­чылар, мәгариф, медици­на, кооперация отлични­клары бар.

Г.Гыйльфанова, КПСС райкомы инструкторы.

Сәхифәне Мөнирә Арсланова әзерләде.