Бу көнне Мөслимдә.1971 ел

1971 ел

Мәсәлче иҗатына

багышланды

Район культура йортында культура университетының икенче занятиесе булды. Аны Мөслим урта мәктәбе укы­тучысы Фиалка Хәйруллина хәзерләде. Занятиенең тема­сы “Крылов мәсәлләре”. Баш­та тыңлаучылар мәсәлченең биографиясе белән таныш­ты. Аннан соң Крыловның 20 мәсәле сәхнәдә күрсәтелде. Соңыннан яшьләр кичәсе булды.

Х.Спиридонова,

район культура йорты директоры.

11 декабрь

Җир кайгыртучанлык ярата

1972 ел уңышы асты­на район колхозлары һәм совхозлары план буенча 270 мең тонна җирле ор­ганик ашлама чыгарыр­га тиеш. Эшне планлаш­тырганда ашламаларның күләме генә түгел, бәлки хуҗалыкларның техни­ка белән тәэмин ителү дәрәҗәсе дә исәпкә алын­ды. Соңгы елларда ул сизе­лерлек яхшырды. Машина- трактор паркы күпкә артты. Хуҗалыкларның кырларга тирес һәм торф чыгаруны ме­ханикалаштыру буенча зур тәҗрибәсе бар. “Кызыл Ок­тябрь” колхозында дүртенче кварталның ике аенда кыр­ларга 5717 тонна органик ашлама кертелде. Әмма күпчелек хуҗалыкларда гамьсез тынлык хөкем сөрә.

Каенсазлылар алда

“Авангард” колхозының ике машина паркында да иң тәҗрибәле механизатор­лардан төзелгән ремонт зве­нолары эшли. 1 декабрьгә 6 трактор, 3 бөртек комбайны ремонтланды. Барлык тагыл­ма кораллар ремонтланып, буялып махсус стеллажлар­га саклауга куелды. Звено­лар арасындагы ярышта ка­енсазлылар алда бара.

И.Зәйнагов,

бухгалтер.

“Башмагым”

Иң элек кунакларны Олы Чакмак авылы тама­шачылары каршылады. 10 декабрьдә артистлар район үзәге хезмәтчәннәре белән очрашты. Сүз Минзәлә та­тар дәүләт драма театрының “Башмагым” музыкаль ко­медиясе турында бара. Әсәрне башкорт драматур­гы Х.Ибраһимов язган. Ре­жиссеры – ТАССРның ат­казанган сәнгать эшлекле­се, Г.Тукай премиясе лау­реаты С.Өметбаев. Алар ал­дагы көннәрдә “Мөслим” һәм “Трудовик” совхозла­рында, М.Вахитов, Фрун­зе исемендәге, “Кызыл Ок­тябрь”, “Урожай” колхозла­рында чыгыш ясаячаклар.

Ф.Садриев.

Сәхифәне Мөнирә

Арсланова әзерләде.