Бер атна эчендә биш исерек шофер тоткарланган

“Исерек килеш транспорт белән идарә итүчеләр саны кимеми. Бер атна эчендә генә дә биш исерек шоферны тоткарладык. Аларның икесе – шушы ук төр тәртип бозу сәбәпле машина йөртү таныклыгыннан мәхрүм ителгән булып та, кабаттан эләгүчеләр. Алкогольле эчемлек кулланган хәлдә руль артына утыручылар ел башыннан 78гә җитте”, – ди ДАИның өлкән инспекторы Феликс Мәгъданов. Шунысын онытмагыз: алкогольле эчемлек кулланган хәлдә кабат эләккән очракта шофер таныклыгыннан өч елга мәхрүм итү каралган. Ә штраф күләме 300 мең сумга кадәр җитә. “Права”сын бер елдан артыграк вакытка алдыручыларга кабат машинага утыру хокукы имтихан тапшырганнан соң гына бирелә.

Фото- Pixabay.com