Башкаланың балалар республика клиник хастаханәсендә “Бөер атналыгы” кысаларында укулар узды

Башкаланың балалар республика клиник хастаханәсендә "Бөер атналыгы" кысаларында укулар узды. Мәскәү шәһәреннән килгән профессорлар табибларга бу авыруны дәвалау үзенчәлекләре турында сөйләде. Укуларда катнашкан район педиатры Резеда Мөҗипова сертификат алып кайтты. "Бөер чирләре белән авыручы балалар республика буенча шактый. Ләкин шунысы сөендерә: безнең җирлектә әлеге авырулар белән теркәлгән балалар саны күп түгел. Вакытында профилактик чаралар күрү һәм чирне башлангыч стадиядә дәвалау мөһим", - ди Резеда Әнәсовна.