“Авзалов” уңганы

Хезмәт юлын авыл хуҗалыгы тармагына багышлаган Газинур Ногмановны (рәсемдә) “Авзалов” крестьян-фермер хуҗалыгы җитәкчелеге җаваплы участокларга гына билгели. Тәҗрибәле игенче МТЗ-1221 тракторы белән язын-көзен җир эшкәртү, ашлама кертү, тырмалау һәм чәчү кебек агрочараларны сыйфат белән башкара. Газинур урып-җыю чорында “ДОН-1500” комбайнына утыра. Бу сезонда ул 13 мең центнерга якын икмәк суктырды.