Атта йөрделәр

 Бәйрәм күрке булган тройкаларда бу көнне рәхәтләнеп олысы да, кечесе дә йөрде. Хуҗалары атларны бик матур итеп, бөтен күңелен, җан җылысын биреп, яратып бизәгән иде. Чыңлап торган кыңгыраулар тавышы, әйтерсең,сине ваемсыз балачак иленә алып кайта. Башларын каерып, зур горурлык белән җиргә кәс-кәс басып, йөгереп-уйнаклап баручы атларның матурлыгына сокланырлык! Мөслимебездә халыкның ялын матур итеп үткәрү өчен бик күп чаралар оештырыла. Өч атны бер итеп йөртү –  җиңел эш түгел. Мөслимнең “Аргамак” ат спорты мәктәбе егетләре бу эшнең бөтен нечкәлекләрен тоеп башкара.

Лилия Шәймиева фотосы