Аномаль салкын булачак

Җылылык Россиянең Европа өлешендәге күпчелек регионнарга җәй башланганчы килмәячәк. Бу хакта «Фобос» һава торышы үзәгенең әйдәп баручы белгече Евгений Тишковец НСН эфирында сөйләгән. “Агымдагы атнада Үзәк Россия аномаль салкын зонасында булачак. Моның сәбәбе — Төньяк Атлантик гаять зур циклоник җил”, — дип аңлатты метеоролог. Шул ук вакытта һава температурасы апрель дәрәҗәсенә кадәр төшәчәк. Һава торышы болытлы булачак, «көн саен диярлек кыска яңгырлар явачак». «Май аенда мондый озакка сузылган салкыннар 15 елга бер тапкырдан да ешрак булмый», — дип белдерде синоптик. Тишковец сүзләренчә, температура майның соңгы көннәрендә нормага әйләнеп кайтачак.