Алданмагыз!

Бер райондашыбызның телефонына шалтыратып, шулай ук җиңел кәсеп итәргә уйлыйлар.

“Кызыгыз авария ясады, җинаять эше кузгатмасынар өчен бер миллион сум акча кирәк”, – дип хәбәр итәләр. Тик бу очракта алдарларның планы барып чыкмаган. 75 яшьлек райондашыбыз, колагы ишеткән хәбәргә ышанмыйча, кызына шалтырата һәм үзенең мошенниклар белән сөйләшкәнен аңлый.

"Шикле кешеләргә акча күчермәгез, банк карталарыгыз турындагы мәгълүматларны бер кешегә дә хәбәр итмәгез. Әлеге очрак буенча җинаять эше кузгатылды. Ел башыннан бу 12нче мошенниклык очрагы”, – дип хәбәр итә уголовный розыск бүлеге җитәкчесе Булат Замалиев.