«Ачык ишекләр көне» үтте
Мөслим үзәк район хастаханәсендә «Ак халатлы фәрештәләр» медицина фестивале кысаларында 10-11 сыйныф укучылары өчен «Ачык ишекләр көне» үткәрелде.
Алар хастаханәнең баш табибы һәм биредә тәүлек әйләнәсе авыруларны дәвалаучы хезмәткәрләр белән таныштылар.
Чыгарылыш сыйныф укучыларына яңа җиһазларны, тиздән районы халкы өчен эшли башлаячак томография кабинетын күрсәттеләр. Укучылар шулай ук лабораторияне карадылар, ашыгыч медицина ярдәме бүлегендә булдылар.
Баш табиб Дамир Сөләйманов барлык чыгарылыш сыйныф укучыларына алдагы имтиханнарда уңышлар теләде, табиб һөнәренә ия булучылар сафына кушылырга чакырды.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев