2027 елдан абитуриентлар артык БДИ өчен 25кә кадәр өстәмә балл ала алачак
Бу хакта ведомство матбугат хезмәтендә хәбәр иттеләр, дип яза РИА Новости
Мәгариф һәм фән министрлыгында аңлатуларынча, бүген физика яки химияне югары баллга тапшырган чыгарылыш укучысы моның өчен баллар ала алмый. Яңа норма вазгыятьне үзгәртә: абитуриентның теләге буенча БДИ нәтиҗәсе өчен өстәмә баллар биреләчәк.
Ведомствода билгеләп үтүләренчә, чара математика, табигый-фәнни һәм инженерлык белеме бирү өлкәсендәге юнәлешләргә кагыла һәм мәҗбүри имтиханнардан тыш нәтиҗәләрне исәпкә ала. Шул ук вакытта өстәмә баллар булачак белгечлеккә турыдан-туры бәйле предметлар өчен генә исәпләнә: математика, физика, химия, информатика һәм биология кебек фәннәр өчен.
Өстәмә баллар саны нәтиҗәгә бәйле: БДИдагы 60-74 балл өчен – 15 балл, 75-89 балл өчен – 20 балл, 90-100 балл өчен 25 балл өстәләчәк.
Министрлыкта ассызыклауларынча, инициатива кабул ителгән очракта 2027/28 уку елында яңартылган кагыйдәләрнең бер өлеше булачак, алар, аерым алганда, булачак инженерларны фундаменталь әзерләүне көчәйтүгә юнәлдерелгән.
Кабул итүнең гамәлдәге тәртибе нигезендә, югары уку йортлары абитуриентның индивидуаль казанышлары өчен унга кадәр өстәмә балл өсти ала, максатчан укуга кергәндә тагын биш балл өстәлергә мөмкин.
Нет комментариев