2020 ел: яңача яшәргә өйрәндек

Ренат Вәлиев, рай­он авыл хуҗалыгы һәм азык-төлек идарәсе җитәкчесе:

– Узып баручы елда ко­ронавирус пандемиясенең тулаем ил икътисады­на күпмедер йогынтысы булса да, районның авыл хуҗалыгы тармагында элеккечә тотрыклылык күзәтелде. Логистиканың үзгәрүе сәбәпле, “Август- Мөслим” агрофирмасының Үрәзмәт терлекчелек ком­плексына чит төбәкләрдән төзелеш материаллары кайтартуда графиктан тай­пылыш күзәтелсә дә, ягу­лык-майлау материаллары, минераль ашлама, чәчүлек орлык кайтаруда бернинди тоткарлык булмады.

Тармак елны ма­тур нәтиҗәләр белән төгәлләде. Бу, беренче чи­ратта, игенчелектә ачык чагыла. Җитештерелгән ашлыкның тулай җыемы 155 мең тоннага җитте. Узган ел, бөртеклеләрнең мәйданы артыграк булуга карамастан, тулай җыем 19 мең тоннага азрак иде. Терлекчелек продуктлары җитештерү һәм хәзерләүдә дә үсеш күзәтелде.