12 май илебездә Халыкара шәфкать туташлары көне буларак билгеләп үтелә

admin, 12 май 2025 - 13:30

163

Бу көнне нәкъ менә шәфкать туташларының эшен беренчеләрдән булып оештыручы Флоренс Найнтингейл туа. Ул Кырым сугышы вакытында солдатларга ярдәм итә

Шәфкать туташларының эше авыр, шул ук вакытта ул мактаулы һөнәрләрнең берсе. Әлбәттә, бу һөнәргә үзеңне багышлау зур җаваплылык сорый. Алар вакытлары белән санлашмыйча, сабырлык белән эшлиләр. Авыруларга карата җылы мөгамәләләрен, игътибарларын кызганмый көн-төн хезмәт куйган һәм шул рәвешле ихтирам яулаган хезмәткәрләрне чын күңелебездән бәйрәм белән котлыйбыз. Шәфкать туташларына саулык-сәламәтлек, гаилә бәхете, хөрмәтле һәм чын мәгънәсендә шәфкатьле булуларын телибез.

Фото - район хакимиятенең матбугат хезмәте архивыннан.