02 хәбәр итә: ике җинаять эше кузгатылды

14 сентябрь көнне “Туган як” агрофирмасының Мәлләтамак авылында урнашкан складыннан арпа урларга омтылу факты буенча җинаять эше кузгатылды. Җинаятьче ниятен ахырына җиткерә алмый, бөртек салынган капчыклар складта кала.

16 сентябрь көнне Мөслимдәге бер фатирдан акча ур­лыйлар. Угрыны эзләү эшләре бара.

Атна дәвамында полиция хезмәткәрләре тарафыннан 109 административ хокук бозу ачыкланды. Җәмәгать урыннарында исерек көе йөргән, гражданнарның ты­нычлыгын бозган, ата-ана бурычларын үтәмәгән һәм юл йөрү кагыйдәләрен бозган гражданнар административ җаваплылыкка тартылды.

Юлларда хәл чагыштырмача тыныч. Узган атнада 9 юл-транспорт һәлакәте теркәлде, шуларның икесендә зыян күрүчеләр бар. 14 сентябрь көнне Мари-Бүләр авы­лы янында “Рено-Логан” һәм ВАЗ-2109 автомобильләре бәрелешә, ике кеше зыян күрә. 16 сентябрь көнне 1968 елгы хатын-кыз автомобилендә кюветка чыгып каплана. Нәтиҗәдә шофер да, аның 1939 елгы пассажиры да тән җәрәхәтләре ала.

Полиция хезмәткәрләре тарафыннан алкоголь исере­клеге хәлендә транспорт белән идарә итүнең өч факты ачыкланды.

Атна дәвамында районда 5 кинәт үлү очрагы теркәлде.

Район эчке эшләр бүлеге штабы.

Фото-Pixabay.com