Өметле киләчәк

22-25 октябрь көннәрендә Бөек Новгород шәһәрендә студентлар арасында кул көрәше буенча бөтенроссия ярышлары узды. 
Бу – Россия студентлары арасында иң дәрәҗәле ярышларның берсе. 
Районыбыз егет-кызлары, үз вузларының данын яклап, уңышлы чыгыш ясады. 60 килограмм авырлыктагылар арасында Илдар Зиннуров беренче урынны алды. Илһам Бариев 65 килограмм авырлыктагылар категориясендә – икенче урынны, Илина Бариева 60 килограмм авырлык категориясендә өченче урынны яулады.
– Укуны зур спорт белән бергә бәйләп алып бару искиткеч зур ихтыяр көче, тырышлык, үз өстеңдә туктаусыз эшли белүне таләп итә. Әлеге кызлар һәм егетләр – Мөслимнең генә түгел, үзләре белем алучы югары уку йортларының да данын югары күтәрүче яшьләр, – ди егет-кызларның тренеры Ларис Бариев, зур горурлык белән.

Фото - "Яшьлек" спорт мәктәбеннән.