Гарантия вакытында гына түгел
– Дәгъва белән гарантия вакытында гына мөрәҗәгать итә аламмы? М.Гайфуллин.
Газета укучыбызның соравына ТР Дәүләт алкоголь инспекциясе Түбән Кама территориаль бүлеге өлкән белгече Алена Виноградова җавап бирә:
– Сез кибеткә товарның җитешсезлекләре турында дәгъва белән гарантия ваыты дәвамында мөрәҗәгать итә аласыз. Гарантия срогы товар сездә булган вакыттан башлана. Әмма сезонлы товарлар турында сүз барган очракта үзенчәлек бар – аларның гарантия вакыты һәм хезмәт итү вакыты тиешле сезон җиткәч башлана, бу вакыт Россия Федерациясе субъектлары тарафыннан кулланучы булган урынның климат шартларыннан чыгып билгеләнә. Мәсәлән, Пенза өлкәсендә яз – 15 мартта, җәй – 1 майдан, көз – 1 сентябрьдән, ә кыш 1 ноябрьдән башлана. Мәскәүдә башкачарак: яз 1 марттан башлана.
Гарантия вакыты билгеләнмәгән булса, сез дәгъваны товарны алганнан соң ике ел дәвамында бирергә хокуклы (аннан да күбрәк вакыт каралмаган булса).
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев