Төрле авырулар белән 11 кеше дәвалану өчен хастаханәгә салынган

Соңгы өч көндә район хастаханәсенең ашыгыч ярдәм бүлегенә 76 чакыру һәм мөрәҗәгать булган, шуларның 31е – йөрәк-кан тамырлары авырулары, 7се – көнкүрештә тән җәрәхәтләре, 12се – югары кан басымы белән. Төрле авырулар белән 11 кеше дәвалану өчен хастаханәгә салынган. “Балалар һәм өлкәннәр арасында респиратор-вируслы авырулар саны артты. Сәламәтлекне кайгыртып, вакцинация ясату мөһим. Балалар поликлиникасына гриппка каршы “Ультрикс” вакцинасы кайтты. Әлеге төр вакцина 1-4 сыйныфта укучылар өчен каралган. “Совигрипп” вакцинасын 5-11 сыйныфларда укучы балалар ясата ала. Балаларына гриппка каршы вакцина ясатырга теләге булган әти-әниләр балалар поликлиникасына мөрәҗәгать итә ала,” – дип хәбәр итә бүлек фельдшеры Ләйсән Гыйзетдинова.

Фото: Мөслим-информ