Талпаннар уяна

Апрельдә талпаннар уяна. Талпан энцефалитын йоктыру куркынычы июньгә кадәр саклана. “Авыруның беренче билгеләре өч көннән яки өч атнадан соң гына күренергә мөмкин. Алар кискен респиратор авыруны хәтерләтә: тән температурасы 38-39 градуска кадәр күтәрелә, баш һәм мускуллар авырта, бизгәк тота, баш әйләнә. Күңел болгану, косу, нерв системасы зарарлану билгеләре булырга мөмкин. Агачлар күп үскән урыннарда игътибарлы булырга кирәк”, – ди хастаханәнең ашыгыч ярдәм бүлеге өлкән фельдшеры Гөлфирә Сабирова.

Адилә Кондратьева фотосы