Соңгы көннәрдә авыручылар саны артты

Соңгы өч көндә район хастаханәсенең ашыгыч ярдәм бүлегенә 65 чакыру һәм мөрәҗәгать булган, шуларның 28е – йөрәк-кан тамырлары авырулары, дүртесе – көнкүрештәге тән җәрәхәтләре белән. Ике райондашыбыз йөрәк өянәге белән – Әлмәт хастаханәсенә, бер кеше авыр тән җәрәхәтләре белән Яр Чаллы хастаханәсенә озатылган. “Соңгы көннәрдә авыручылар саны артты. Авыруларда өчәр көнгә сузылган югары температура, хәлсезлек күзәтелә. Вируслы авыру алга таба кискенләшергә мөмкин. Җиде райондашыбыз дәвалану өчен хастаханәгә салынды”, – дип хәбәр итә бүлекнең өлкән фельдшеры Гөлфирә Сабирова.

Фото - Мөслим-информ архивыннан