Кызамык баш калкыта
Районда берничә баланың кызамык белән авыруы ачыкланган.
Район санитар-эпидемиологик комиссиясе утырышында сүз районда кызамык таралу куркынычы турында барды. Элек киң таралган авыруның янәдән баш калкытуының сәбәбен табиблар кайбер ата-аналарның кызамыкка каршы прививка ясатмавына бәйләп аңлата.
– Бүгенге көндә биш бала Яр Чаллы йогышлы авырулар хастаханәсендә дәвалана. Авыру таралуга юл куймас өчен район хастаханәсендә эшче төркем төзелде: эпидемиологик вәзгыятьне контрольдә тотабыз. Авыру балалар белән контактта булган райондашларның исемлеге булдырылды. Кызамыкка каршы прививка ясалмаган кешеләргә ашыгыч төстә вакцинация үткәрелә, – ди район хастаханәсенең баш табибы Дамир Сөләймәнов.
Район санитар-эпидемиологик комиссия рәисе Марина Бәдретдинова сәламәтлек саклау һәм мәгариф оешмаларына, авыл башлыкларына халык арасында аңлату эшләре алып баруны, саклану чараларын күрүдә ярдәм итүне сорады.
Фото - Татар-информ архивыннан.
Тулырак "Авыл утлары" газетасының 2023 ел 13 октябрь санынында укыгыз
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев