Донор булу игелек кылуга тиң

Кан алуны Яр Чаллы кан тапшыру үзәге оештырды. – Кешедә уртача 5-6 литр кан исәпләнә, кан тапшырганда 450 миллиграмм кан алына. Донорларның яше 18 дән өлкән һәм авырлыгы 50 килограммнан артык булырга тиеш. Кан куермасын өчен консервацияләү ысулын кулланабыз, – ди Яр Чаллы кан тапшыру үзәге хезмәткәре Фирания Сәйфуллина.
Үзәк хезмәткәрләренең барысы да диярлек “Мактаулы донор” исеменә ия. Араларында 60-80 мәртәбә кан тапшыручылар да бар.

Акция кысаларында 68 райондашыбыз кан тапшырды. Кан тапшыручы райондашларыбыз арасында 25-45 яшьлекләр күп иде. Аларның
да күпчелеге – хатын-кызлар. Кан алганчы табиб донор булырга теләүчеләрнең нинди авырулар, нинди операцияләр кичерүе, аллергия булу-булмавы турында кызыксына. Кан бирүчеләрнең тәмәке тартмавы, спиртлы эчемлекләр кулланмавы да мөһим. 

Тулырак: "Авыл утлары" газетасының 2023 ел, 2 июнь санында

ЛИЛИЯ ШӘЙМИЕВА ФОТОСЫ.