Ашыгыч ярдәм бүлегенә 66 чакыру һәм мөрәҗәгать булган

Соңгы өч көндә район хастаханәсенең ашыгыч ярдәм бүлегенә 66 чакыру һәм мөрәҗәгать булган. Шуларның 17се – кискен респиратор вирус авырулары белән. “ОРВИ” диагнозы 10 балага куелган. “Йөрәк-кан тамырлары авырулары белән килгән – ун, көнкүрештә тән җәрәхәтләре алган биш райондашыбызга беренче ярдәм күрсәтелде. Инсульт һәм авыр тән җәрәхәтләре алган ике кеше Әлмәт хастаханәсенә озатылды. Өч авыру дәвалану өчен район хастаханәсенә салынды”, – дип хәбәр итә бүлек фельдшеры Клара Гыйльфанова.

Фото - Мөслим-информ архивыннан