«АгроНТРИ-2023» бәйгесенең региональ туры узды

-  Казан шәһәрендә  уздырылган "АгроНТРИ-2023"  Бөтенрәсәй бәйгесенең региональ туры Казан Дәүләт Аграр Университеты базасында оештырылды. Мәктәптән тыш эшләр үзәгендә шөгыльләнүче Айзат  Сәхипгәраев т- "АгроКоптеры", Илья Лошкарев  - "АгроРоботы" номинацияләрендә катнаштылар. Айзат коптерларны җыю, программалаштыру, йөртү белән шөгыльләнде. Илья махсус полигонда робот белән идарә итеп төрле Агро-биремнәр үтәде. Мәсәлән, сыерлар һәм тавыклар ашатты, чүп үләннәрен өзде, складка ашлык илтте.
Мондый төр бәйгеләрдә катнашу егетләр өчен һичшиксез зур тәҗрибә булып тора һәм алга таба профессия сайлауга бер этәргеч булыр, дип ышанабыз.
Финалистларны педагоглар Аяз Бәдртдинов һәм Лилия Бәдртдинова әзерләделәр, - дип хәбәр итәләр мәктәптән тыш эшләр үзәгеннән.

Фото -мәктәптән тыш эшләр үзәге архивыннан