Илһам Шакировның тууына 90 ел тулу уңаеннан I ачык республика конкурсына йомгак ясалды

Кичә Сарман балалар сәнгать мәктәбендә күренекле татар җырчысы Илһам Шакировның тууына 90 ел тулу уңаеннан яшь рәссамнарның «Илһам нуры» I ачык республика конкурсына йомгак ясалды."Чара кысаларында катнашучылар һәм аларның укытучылары өчен кызыклы осталык дәресләре оештырылды. Конкурс йомгаклары буенча рәсем бүлеге укучылары Ихсан Нәбиев (укытучысы - Эльмира Галиева) һәм Дании Митрофанов (укытучысы - Гөлназ Талипова) - 1 нче, ә Камилла Алмаева (укытучысы - Эльмира Галиева) 2 нче урынны яуладылар. Җиңүчеләргә дипломнар һәм акчалата бүләкләр тапшырылды", - дип хәбәр итәләр Мөслим балалар сәнгать мәктәбеннән.

Фотолар - Мөслим балалар сәнгать мәктәбеннән.