Хатынын кыйнаган

Мөслим районы прокуратурасы 50 яшьлек мөслимлегә карата җинаять эше буенча гаепләү актын раслады. Ул Россия Федерациясе Җинаятьләр кодексының 112 маддәсе 1 бүлегендә каралган җинаять кылуда гаепләнә. Ир-ат явыз ният белән уртача авырлыктагы куркыныч булмаган һәм РФ ҖКның 111 маддәсендә каралган нәтиҗәләргә китермәгән, әмма сәламәтлекнең озак вакытка какшавына сәбәп булган зыян салган. 

– Тикшерү версиясе буенча, 2023нче елның 30 июнендә 20.00 сәгать тирәсендә эш фигуранты, йортында бәхәс чыгып, уң кулы белән хатынын чәченнән сөйрәп идәнгә ега. Гаепләнүче хатынының битенә һәм башына кимендә 5 тапкыр суккан, – ди район прокуроры урынбасары Линар Әскаров. 

Нәтиҗәдә, зыян күрүче тән җәрәхәтләре ала, гаепләнүче аңа уртача авырлыктагы зыян китерә. Хатын-кыз өч атнадан артык дәваланырга мәҗбүр була. 

Тикшерү барышында эш фигуранты гаебен тулысынча таныды һәм тәүбә итте. Хәзерге вакытта җинаять эше Мөслим районы мировой судында карала.

Фото - Татар-информ архивыннан.