«Костер» лагеренда мастер-класс күрсәттеләр

Бүген  мәктәптән тыш эшләр үзәге педагоглары Биектау районында урнашкан «Костер» лагеренда булдылар. Алар "Яшь техник" республика профильле сменасында авиа, авто, судо , космик  һәм архитектура  модельләрен әзерләү буенча мастер - класслар үткәрделәр.  Шулай ук балалар сувенир тәңкәләрне салкын ысул белән ясау технологиясе белән дә таныштылар. Тәҗрибә уртаклашуның мондый ысулын Республика мәктәптән тыш эшләр үзәге тәкъдим итә. Мөмкинлеге булган районнар килеп, укучыларга яңа төр технологияләр өйрәтәләр. Үзәк педагоглары көз көне оештырылачак сменаларга да барырга планлаштыралар.  

Фотолар – мәктәптән тыш эшләр үзәгеннән.