Уртак тырышлык һәм бердәм хезмәт (фоторепортаж)

Исәнсеф авыл җирлеге җиде авылны (Тат. Бүләр, Мари Бүләр, Яңа Сәет, Иске Сәет, Исәнсеф, Чишмә, Усаклык) үзенә берләштерә. Иң зурлардан саналучы җирлектә 300дән артык хуҗалыкта 1 меңгә якын кеше яши.

– Яшь буенча караганда, авылларның олыгая баруы күзәтелә, – ди җирлек башлыгы Иршат Салихов. – Җирлектә эш яшендәге 519 кеше исәпләнсә дә, аларның күбесе читтә, шәһәрдә яши. Шәхси хуҗалыкларда 800дән артык мөгезле эре терлек исәпләнә, шуларның 322се – савым сыерлар. Кызганыч, узган ел маллар 60 башка кимеде. Сәбәбе – сөт бәяләренең түбән булуында. Авыл кешесе сөт продукциясен сатып көн күрә, ә узган ел шәхси хуҗалыклардан җыелучы сөт бәясе ике тапкыр диярлек кимеде, бу исә терлекләр санының кимүенә китерде.

Җирлектә бер урта, бер гомуми белем бирү мәктәбе эшли. Ике балалар бакчасы, мәчетләр, биш ФАП хезмәт күрсәтә. 

Фәридә Гайнетдинова

Фәридә Гайнетдинова фотосы

Тулырак "Авыл утлары" газетасының 2024 ел, 9 февраль санында укыгыз.