Укыту-дәрес үтте

“Карлыгач” балалар бакчасында янгын чыккан очракта халыкны эвакуацияләү буенча укыту-дәрес үтте. Чарада 28 бала һәм бакча персоналы катнашты. Уку эвакуациясе күрсәткәнчә, балалар бакчасы хезмәткәрләре эвакуацияләү буенча тиешле күнекмәләргә ия. “Кайбер мәгариф учреждениеләрендә янгын куркынычсызлыгы буенча таләпләр төгәл үтәлми, аларга кимчелекләрне төзәтү өчен вакыт бирелә. 
Инспекторлар бу көннәрдә ялгыз яшәүче өлкәннәр һәм күпбалалы гаиләләрдә янгын куркынычсызлыгы кагыйдәләренең үтәлешен дә тикшерә. Ел башыннан 31 гаиләдә булып, иминлек буенча сөйләшүләр алып бардык”, – ди Мөслим һәм Сарман районнары буенча янгын күзәтчелеге бүлеге инспекторы Вильям Тайбактин.

Вильям Тайбактин, Илнар Идиятов фотосы