Татарстанда шторм кисәтүе игълан ителде

Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

16 гыйнварда кич һәм 17 гыйнварда төнлә һәм көндез төбәк территориясендә һәм Казанда да көньяктан көчле җил көтелә, көчәйгәндә тизлеге секундына 17-22 метрга кадәр җитәчәк.

Сишәмбе 20.00 сәгатьтән чәршәмбе 11.00 сәгатькә кадәр җилнең тизлеге секундына 25-27 метр фаразлана, дип билгеләп үтте синоптиклар.

Моннан тыш, Татарстанда көчле җил, күз күреме 500 метр һәм аннан да азрак булырга мөмкин, кар күп явачак. Юлларда кар көртләре фаразлана.

Фото -Татар-информ архивыннан