Мөслим гимназиясе укучылары янгын сүндерүчеләр белән очрашты
Янгын сүндерүчеләр янгынны булдырмас өчен иминлек кагыйдәләрен аңлатты
30 апрельдә Янгын сүндерүчеләр көне уңаеннан Мөслим гимназисенең 1 сыйныф укучылары Мөслим янгын сүндерү хезмәткәрләре Илнар Идиатов, Вильям Тайбактин белән очрашты.
"Тайбакин В.С. янгынны булдырмау һәм куркынычсызлык кагыйдәләрен аңлатты. Янгын сүндерү приборы белән таныштырды һәм эшләтү кагыйдәләрен аңлатты.
1 «В» сыйныфы укучысы Әзизәнең әтисе Рушан Фәрхетдинов янгын эшләгәндә кигән каскасын күрсәтте.
Балалар бик матур итеп үз фикерләрен әйттеләр, рәсемнәр дә ясап алып килгәннәр иде.
Бик файдалы очрашу булды", - дип хәбәр итә башлангыч сыйныфлар укытучысы Миләүшә Хәсәнова.
Миләүшә Хәсәнова фотолары
Безнең телеграм каналга кушылыгыз! Телеграм-канал
Нет комментариев