Җирлегебездә барлыгы 29 янгын очрагы булган

Ел башыннан җирлегебездә барлыгы 29 янгын очрагы булган, соңгы икесе узган атнада теркәлгән. “17 июльдә иртәнге 6 сәгать 13 минутта Мөслимдәге шәхси хуҗалыкта мунчага ут каба. Сәбәбе – мунча миче торбасының дөрес урнаштырылмаган булуы. 19 июльдә төнге сәгатьләрдә Тугаш авылында да янгын чыга. Шәхси ихатада бер түбә астында булган хуҗалык торакларына ут каба. Электр чыбыгындагы кыска ялганыш сәбәпле килеп чыккан янгын торакларны көлгә әйләндерде”, – дип хәбәр итә Мөслим һәм Сарман районнары буенча янгын күзәтчелеге бүлеге инспекторы Вильям Тайбактин.

Фото "Мөслим-информ" архивыннан.