“Бала – төп пассажир” исемле чара узды

“Игътибар, балалар!” профилактик айлыгы кысаларында Мөслимдәге “Кояшкай” балалар бакчасында “Бала – төп пассажир” исемле чара узды.
Кечкенәләр куркынычсызлык каешларын даими кулланырга һәм балаларны автокреслоларда йөртергә дигән өндәү белән чыкты. Чара барышында транспортта балаларны йөртү кагыйдәләре тикшерелде. Районның ЮХИДИ бүлеге җитәкчесе Феликс Мәгъданов һәм “Юл иминлеге” дәүләт учреждениесенең Сарман һәм Мөслим районнары буенча җитәкчесе Алсу Ситдыйкова кагыйдәләрне төгәл үтәгән шоферларны тәбрикләп бүләкләр тапшырды.

 Лилия Шәймиева фотолары