Мемориаль комплекста эш кайный

Халык телендә Җиңү паркы исемен йөрткән комплекста районыбызның Иҗтимагый совет рәисе Рушат Солтанов җитәкчелегендә өмәләр дәвам итә. Оешма, предприятие коллективлары һәйкәл, обелискларга реставрация ясый, паркны чистартып, чәчәклекләрне әзерли.
Биредәге агачлар 1986 елда утыртылган. Бүгенге көндә күбесе кору сәбәпле киселде. Аларны  нарат агачлары алыштырачак. Паркка утыртылачак  яшь агачларга Мөслимебезнең чәчкәләре, яшеллеге "әнисе" булган Рүзилә Байрханова җитәкчелегендә урыннар билгеләнде.

Фото - район администрациясе матбугат хезмәте архивыннан