Шагыйрьне искә алу кичәсе

Мөслим картлар һәм инвалидлар интернат-йортында шагыйрь М.И. Таничның тууына 100 ел уңаенна багышланган чара узды.
19 сентябрь көнне мәдәни чаралар оештыручы Азия Заһидуллина  Совет һәм Россия шагыйре, Россия Федерациясенең халык артисты Михаил Танич истәлегенә багышланган «Үрнәк тормыш юлы» исем астында тематик чара үткәрде. Тыңлаучылар шагыйрьнең авыр тормыш юлы, аның фаҗигале балачагы, әти-әнисеннән иртә аерылуы, Бөек Ватан сугышында катнашуы һәм контузия алу, кулга алынуы һәм төрмәдә утыруы турында мәгълүмат алдылар. Тормышнын авырлыкларына карамастан, гомеренең ахырына кадәр шат күңелле һәм уңай эмоцияле кеше булып кала. Чара ахырында шатлык һәм гаҗәпләнү белән таныш җырларны аудиоязмада тыңладылар. Идет солдат по городу”, “Черный кот”, “Черное и белое”, “Комарово”, “Погода в доме “ һ. б. җырларны кушылып җырладылар. 

Фото - Мөслим картлар һәм инвалидлар интернат-йорты архивыннан