«Оста куллар» түгәрәге келәмнәр үрә

Үзәк балалар китапханәсендә «Оста куллар» түгәрәге кысаларында «Келәмнәр» дип аталучы  мастер - класс узды. Бу чарага балалар өйдә акча сарыф итмичә дә табарга мөмкин булган кул астындагы материаллардан келәм үрү күнекмәләрен үзләштерү өчен чакырылган иделәр.
Эш өчен нигез урынына ныклы җеп, махсус рамнар һәм катнашучының кызыксынуы кирәк. Китапханәчеләр түгәрәк әгъзаларына  матур, җылы келәмнәр үрүне күрсәттеләр; сыйфатлы әйберләр ясау серләре белән уртаклаштылар. Хезмәткәрләр шулай ук балаларга үзләре үргән әзер келәмнәрне  күрсәтеп, тәҗрибәләре белән уртаклаштылар.

Фото - район үзәк китапханәсеннән