“Әдәби кунакханә” клубының чираттагы утырышы

Мөслим картлар һәм инвалидлар интернат-йортында “Әдәби кунакханә” клубының чираттагы утырышы булды. “Гадәти булмаган вакытта гадәти биография” дип исемләнгән чара оештырылды. Ул Аркадий Гайдарның - совет балалар язучысы, киносценарист, журналист, хәрби корреспондентның тууына 120  еллыгына багышланды. Мәдәни чаралар оештыручы Азия Заһидуллина  тыңлаучыларны язучының тормышы, китаплары белән таныштырды һәм презентация күрсәтте. Чара Аркадий Гайдар әсәрләре буенча картиналарны буяу белән дәвам итте. Өлкән яшьтәге кешеләр балачак һәм яшьлек хатирәләре белән уртаклаштылар, китап геройлары турында фикер алыштылар. «Безнең Гайдар» рәсемнәр күргәзмәсенә эшләрен тәкъдим иттеләр, - дип язалар картлар һәм инвалидлар интернат-йортыннан.

Фото - картлар һәм инвалидлар интернат-йортыннан