Ветераннар советының күчмә президиум утырышы үтте

Бүген Рус Шуган авыл җирлегендә район ветераннар советының киңәйтелгән күчмә президиум утырышы үтте. Анда район ветераннар советы президиумы әгъзалары, җирле ветераннар советы рәисләре катнашты. Өлкәннәр район җирлегендә тарихи әһәмияткә булган урыннар – Олы Чакмак мәдрәсәсе, ишаннар зираты, Рус Шуган авыл музейлары белән танышты. Рус Шуган мәктәбе укучылары әзерләгән концерт программасын да кунаклар яратып тамаша кылды. Җыелышның рәсми өлешеннән соң өлкәннәр чәй табыны артында милли мәдәниятләр һәм гореф-гадәтләр елы кысаларында үткәреләчәк чаралар турында сөйләште.

Лилия Шәймиева фотолары