Шикәр татлы булса да, хезмәте тозлы

“Намус” агрофирмасы дистә елга якын шикәр чөгендере үстерү белән шөгыльләнә. Хуҗалык ел саен зур мәйданнарда татлы тамыразык үстерә. – Быел агрофирмада 1873 гектар мәйданда шикәр чөгендере чәчкән
идек. 1 сентябрьдә әлеге культураны җыюга керештек, – ди “Намус” агрофирмасы идарәчесе Эмиль Кәшәфетдинов. – Басуда өч комбайн эшли. Техниканың барысы да яңа – быел гына кайткан “Grimme Rexor” (Гримми Рексор) комбайннары. Шикәр чөгендере үскән барлык мәйданның 580 гектары җыеп алынды. Уңыш начар түгел: һәр гектардан 330 центнер тамыразык алабыз. Чөгендер Зәй шикәр заводына тапшырыла. Көн саен басудан 2000-2500 тонна тамыразык озатыла.

Фәридә Гайнетдинова

Фото - район администрациясенең матбугат хезмәте архивыннан

Тулырак "Авыл утлары" газетасының 2023 ел, 8 сентябрь санында танышырга була