Имамнар җыелышы узды

     Элемтә авылының «Әсгать» мәчетендә чираттагы имамнар җыелышы узды.
     «Михайловка авыл жирлеге башлыгы Нәҗимә Ращупкина җирлектәге эшчәнлек белән таныштырды. Районның имам-мөхтәсибе Илгиз хәзрәт Сөнгатуллин җәй айларында балаларның ялын файдалы уздыру, „Әхлак һәм сәламәтлек ялларын“ оештыру турында чыгыш ясады, районкүләм „Нурлы мәчет“ конкурсын игълан итте. Мөслим районы Аксакаллар шурасы рәисе, „Әсгать“ мәчете имамы Расих хәзрәт Каюмов мәхәллә белән элемтәне ныгыту буенча үз тәҗрибәсе белән уртаклашты», — дип хәбәр итәләр мөхтәсибәттән.
Фотолар — Мөслим районы мөхтәсибәте архивыннан.