Бу көнне Мөслимдә

22 июнь
Комплекс эштә
Терлек азыгы әзерләү буенча удар айлык план-заданиеләрен үтәү өчен барган көрәштә ипатовлылар методын киң кулланып, терлек азыгы туплауны тулысынча махсус комплекс көче белән башкарабыз. Берничә көн хуҗалыкта сенаж әзерләү бара. Сенаж өчен культуралы көтүлектән күпьеллык үлән чабып алына. Анда җитәкчесе Дәниф Шакирҗанов булган звено (составында 5 агрегат) эшли. Җыйнау звеносы белән Рәис Шәмсиев җитәкчелек итә. Ә Зөлфәт Хәбиров звеносы чабылган массаны сенаж башнясына өзлексез китереп тора. Оператор Альберт Замановның эшне оста оештыруы нәтиҗәсендә бу масса барлык таләпләргә туры китереп башняга тутырыла. 900 тонна сыйдырышлы бу башня инде яртылаш салынды.
Ф.Фәррахов, “Правда” колхозы.

Сәхифәне Фәридә Гайнетдинова әзерләде.

Фото – Мөслим-информ архивыннан