Бу көнне Мөслимдә

1970 ел. 17 март
Хатлардан юллар
Олы Чакмак сигезьеллык мәктәбе укучылары туган колхозларына иллешәр килограмм кош тизәге һәм иллешәр килограмм көл җыеп тапшырдылар.
К.Әхмәтов.

Кышны озату
Үзенчәлекле бәйрәм күптән түгел “Маяк” колхозының үзәк усадьбасы – Шуган авылында үтте. Бәйрәмгә килгән тройкаларда милли кышкы киемнәр кигән ямщиклар утырган, кыңгырау тавышлары яңгырый. Кучерлар теләүчеләрне  атка утыртып йөрттеләр, өлгерләр исә кайнар коймак ашадылар. Кышны озату бәйрәме  авыл халкы өчен яхшы ял, укучыларга борынгыларның матур гореф-гадәте белән очрашу булды. 
А.Костин, авыл Советы председателе.

Фото - "Мөслим-информ" архивыннан