Бу көнне Мөслимдә

3 август. Игенче тантанасы. 

Урак звенолары әле берничә көн элек кенә эшли башласалар да, теземнәргә салынган мәйдан шактый. 31 июльдә барлыгы 167 гектар җирдә иген аударылса, кичәге көнгә 160 гектар борчак, 150 гектар арыш теземнәргә салынды. Беренче көннәрдә ирешелгән бу уңышлар – Г. Абдуллин һәм Ф. Вәҗетдинов җитәкчелегендәге 8 кешедән торган уру звеноларының уртак тырышлыгы нәтиҗәсе. Борчак уручылар И.Ярхәтов, М.Хәмәев, М.Нуретдинов, Ф.Исламов һәм арыш басуында эшләүчеләр Г. Вәлиев, Ф. Заһидуллин алардан азга гына калышалар. Басуларда ярыш дәрте көннән-көн кыза.

Ә.Җиһангирова. “Алга” колхозы. 

Фото – «Мөслим-информ» архивыннан