Бу көнне Мөслимдә

14 февраль. Урак өсте диярсең

“Михайловка” совхозы басуларында урак өсте диярсең. Аерма шунда гына – иртәләрен кырларга комбайннар урынына тракторлар юнәлә, җир тузанын кар бөртекләре алыштыра. Һәр көнне 10-12 механизатор 1978 ел уңышын кайгырта – чәчүлекләрне дымга туендыру чарасын күрә. Совхоз буенча 8502 гектар мәйданда ак буразналар сызылды инде. Басуларда тракторлар үтмәгән урын калмады диярлек. Михайловка бүлекчәсендә генә дә кар тотылган мәйдан 3145 гектар тәшкил итә. Механизаторлар арасында барган ярышны, һәр көнне 55-60 гектарда буразналар сызып, С. Куприянов җитәкли.

Ә. Габдуллина.

Фото – «Мөслим-информ» архивыннан