Бу көнне Мөслимдә!

7 сентябрь. Кырлар сый ала
“Райагропромхимия” берләшмәсе механизаторлары басуларның уңдырышлылыгын күтәрүдә үзләреннән сизелерлек өлеш кертәләр. Берләшмәнең механикалаштырылган бер отряды бүген К. Маркс исемендәге колхоз басуларына органик ашлама чыгаруда эшли. Хуҗалыкның Үрәзмәт товарлыклы-сөтчелек фермасы янына тупланган черемәне ДТ-75 тракторы белән Т. Төхбәтуллин өеп тора. К-700 тракторына көйләнгән төягеч белән Ә. Суфиянов җир сыен машиналарга төйи. Р.Харисов, Р.Заманов, И.Вәлиев үзләренең “КамАЗ” машиналарында көнгә 470-490 тонна ашламаны басуга чыгаралар.
Р. Галиева, “Райагропромхимия” берләшмәсе бухгалтеры.

Фото – Мөслим-информ архивыннан