Бу көнне Мөслимдә

1989 ел, 20 май

Җиңүчеләрне данлап

“Авангард” колхозында язгы кыр эшләре зур оешканлык белән башланып, хәзер дә шулай дәвам итә. Нигездә бухгалтерия работникларыннан торган информация штабы төгәл, оператив эшли. Ярыш йомгаклары көнендә үк халыкка хәбәр ителә. Җиңүчеләрне хөрмәтләп кыр станнарында, колхоз үзәгендә Дан флагы күтәрелә. Кыр эшләре тигез ритм, яхшы сыйфат белән башкарыла. Бу кампаниянең коммунист М.Муллин, В.Савинов, Р.Дәүләтгәрәев, Р.Хәбиров, В.Виноградов, Р.Миңнебаев кебек маяклары бар. Алар 400-300әр гектарда иртә культуралар чәчтеләр яки җир эшкәрттеләр.

Р.Ханов, комсомол оешмасы секретаре.

Фото – «Мөслим-информ»нан